Poeta, narrador, crítico de arte, ensaísta, columnista de prensa... Para min todo comezou na cidade de Vigo, é dicir, alí se iniciou todo ese minucioso e abrumador relato existencial, máis curto ou máis longo, máis ou menos feliz, do que non se libra ninguén que nacera e no que adoitan intertextualizárense e cruzárense, día tras día, tantos outros relatos de incontábeis persoas e a lembranza de tantas cousas e lugares. Así que direi, cunha maior precisión, que o feito de eu saír a esta vida, de aparecer neste mundo cheo de lunáticos iluminados que non deixan vivir en paz, tivo lugar en Teis, no número 121 antigo da rúa de Sanxurxo Badía, na media noite do dezaseis ao dazasete dun mes de xullo de hai xa un disparate de anos, poñamos, sen a menor dúbida, que a data foi a de 1935...

Todos os dereitos reservados ©

 

© 2018 por ARTERADU para Salvador García-Bodaño Zunzunegui

This site was designed with the
.com
website builder. Create your website today.
Start Now